كيف تستخدم المنصة

خمس خطوات تخلص فيها الإعداد كله، وبعدها المنصة تمشي معك يوم بيوم.

1. 1جاوب الأسئلة الأساسية. منها يطلع برنامجك وخطة أكلك.
2. 2افتح لوحتي وشوف يومك: تمرينك ووجباتك وماءك.
3. 3سو أول تمرين، ولو ناقص. المهم تبدأ.
4. 4سجل يومك: وزنك وماءك وصورة تقدمك.
5. 5ارجع بكرة. الاستمرار هو اللي يبني النتيجة لا اليوم الواحد.

بيتك في المنصة. كل ما تفتحها تعرف وش عليك اليوم بلا ما تدور.

1. 1الدائرة فوق تجمع يومك: التمرين والتغذية والماء.
2. 2تحتها أسبوعك كامل، وتقدر تفتح أي يوم.
3. 3كرت التمرين فيه تمارين اليوم وزر البدء.
4. 4كروت الوجبات تحته، وكل وجبة بسعراتها.

أهم شاشة عندك، وفيها شي واحد لا تنساه.

1. 1اضغط ابدأ التمرين من لوحتك.
2. 2أشر بنود التسخين لو سخنت.
3. 3اكتب وزنك وعداتك لكل جلسة، ثم اضغط الصح.
4. 4المؤقت ينزل بعد كل جلسة بالراحة المكتوبة لهذا التمرين.
5. 5لما تخلص اضغط إنهاء التمرين، وتطلع لك شاشة الإنجاز.

وقتك ونقاطك يبدون من أول جلسة تأشرها. لو تمرنت بلا ما تضغط الصح، التمرين ما ينحسب لك.

خطتك محسوبة على وزنك وهدفك، وتقدر تعدلها وتظل على نفس الهدف.

1. 1أشر أكلتها على كل وجبة تاكلها.
2. 2ما تبي وجبة؟ استبدلها بوحدة من نفس النوع.
3. 3أكلت كمية غير المكتوبة؟ اضغط رقم السعرات واضبطها.
4. 4أكلت برا؟ سجلها كوجبة من برا، وباقي يومك يتحجم عليها.

بار السعرات في إجمالي اليوم يقول لك كم أكلت من هدفك وكم باقي.

الميزان وحده ما يكفي. ثلاثة أشياء تعطيك الصورة كاملة.

1. 1صور شاشة ميزانك، والمنصة تقرا الرقم وتعرضه لك تأكده.
2. 2سجل ماءك أول بأول من كرت الماء.
3. 3ارفع ثلاث صور: جسمك، والميزان، وأنت في النادي.
4. 4قس خصرك مرة بالأسبوع. يكشف تغيرا ما يشوفه الميزان.

الترتيب يقيس التزامك أنت، مو كم ترفع.

1. 1نقاطك تجي من تمارينك وسلسلتك وعاداتك اليومية.
2. 2كمل أيام خطتك في الأسبوع وتاخذ مكافأة الأسبوع الكامل.
3. 3الترتيب يتصفر أول كل شهر، فكل شهر بداية جديدة.
4. 4تقدر تخفي اسمك من الترتيب من ملفك الشخصي.

التمرين المستعجل بضغطات سريعة ما يعطي نقاطا. النظام يقيس شغلك الحقيقي.

آخر كل شهر يطلع لك تقرير يقول وش صار وليش ووش تسوي الشهر الجاي.

1. 1افتحه من حسابي ثم تقاريري.
2. 2ابدأ بالملخص فوق، وافتح التفصيل لو تبي الأرقام كاملة.
3. 3تقدر تنزله كملف وتحتفظ فيه.

التقرير ما يطلع إلا لو عندك تسجيلات تكفي. بلا وزن وبلا تمارين ما فيه شي نبني عليه.

كل شي يخص اشتراكك وبياناتك في مكان واحد.

1. 1من حسابي تشوف تاريخ اشتراكك والأيام الباقية.
2. 2التجديد التلقائي تشغله وتطفيه بضغطة.
3. 3تقدر تعيد الأسئلة وتضبط هدفك وأيام تمرينك.
4. 4نسيت كلمة مرورك؟ استرجعها برمز على جوالك من صفحة الدخول.